La Sociedat Lingüística Aragonesa ha arrancau iste viernes 6 de marzo un taller de ribagorzano dirichiu a la pobllación cheneral, i en especial a la chen que encara empllea la variedat grausina u de la redolada. Con la colaboración indispensablle de l’Ayuntamento de Graus, esta asociación que treballa dende 2004 per la dignificación i investigación de la llengua ribagorzana, ofrece este curso que s’impartirá a la biblioteca de Graus cada viernes (seguín el calendario escolar) a las 17h, anda finals de chuño.
La primera sesión del curso ha estau ubierta a toz els interesaus sin compromís nenguno, per dá a conoixé la suya metodolochía i fé la presentación del profesó encargau del taller, el doctó en filolochia romanica per la UB, Xavier Tomás Arias. Tomás é el profesional seleccionau per la SLA pa desarrollá estas sesions, cada una de las cuals tendrá una durada de 1,5 h. «Quedam a la vuestra disposición pa respondé a qualsiquier duda que podaz tení, agradecius de que podaz fé-tos eco d’esta oportunidat de redescubrí la nuestra llengua», han comentau los promotós d’iste taller.