Por Ana Pascual
Jorge Pueyo, nacido en Fonz en 1995, es abogado especialista en Derecho de la Empresa y saltó a la fama gracias al programa de Aragón Televisión en aragonés, «Charrín Charrán». Ahora realiza un informativo en aragonés de forma diaria en Instagram y en Twitter donde le siguen decenas de miles de personas.
¿Dónde aprendiste aragonés?
Yo va aprender aragonés a Casa, a Fonz, es mios pares charran aragonés, la mía chermana charra aragonés, es mios yayos charran aragonés i tamé es amigos i la chent de Fonz i la redolada conservan prou ben la llengua.
¿Por qué decidiste apostar por él?
Yo charro aragonés a sovent, no sé si ha siu como tal una apuesta perque el tiengo muit interiorizau pero sí que veyeva situacions reals de discriminación llingüística a ninos de la escuela de Fonz u mesmo yo va veyer como profesors d’el instituto de monzón insultaban la llengua. Ixe va ser pa yo el punto d’infllexión.
¿Cómo fue la experiencia en charrán charrán?
Pos la verdat que va ser una gran experiencia, sobre tot perque yo va tenir que fer tot el mío proyecto audiovisual, dende la producción, contactar con entrevistaus, llocalización, redacción de guión, subtítulos i mesmo pa la pandemia me va tenir que grabar yo mesmo. Amés tamé va poder viachar per tot Aragón i va conoixer millor el territorio.
¿Por qué ahora has apostado por un informativo diario en redes?
Dimpués de no rematar guaire ben con Charrín Charrán, yo queriva amostrar el mío potencial comunicativo. Foi un noticiario semanal perque tamé quiero charrar d’actualidat i chenerar una achenda sociocultural aragonesa. Es grans medios informan sobre tot de lo que pasa u dixa de pasar a Madrid pero creigo que a es aragoneses igual mos tiene que el metro de Madrid ubra u tanque u el que feigan es suyos políticos. Si querim un Aragón millor cal posar el punto de mira a Aragón.
¿Qué crees que es lo que más le llama la atención a tus seguidores?
A la chent en cheneral li agrada veyer a un misache tan choven charrar aragonés con soltura i somardismo. Estaban mal acostumbraus a pensar que el aragonés eva una llengua de pastors. Pero lo que més m’agrada de tot é veyer que quizás el 90% de la chent que me sigue ha descubierto l’aragonés gracias a yo. El poder sentir el mío aragonés ribagorzano ha chenerau muito interés per tot arreu, pero sobre tot a Catalunya, País Valencià u Balears.
¿Hay algún proyecto de futuro en mente que se pueda saber?
La verdat que tiengo una ripa de proyectos, pero n’hai uno que antes de verano ya podrem veyer toz i que mai s’ha feit una cosa asinas, ni per las dimensions ni per el proyecto como tal. La verdat que estoy ilusionau i ya tiengo ganas de poder amostrar cosetas.
¿Crees que se podría hacer más por el aragonés? ¿Ves posible que se implante en todos los colegios aragoneses?
Per supuesto que creigo que se podría fer més. El mero feito de que tiengam una llei de llenguas de 2012, que la llengua no seiga cooficial i només una llengua propia u que la academia de la llengua aragonesa no tienga financiación son muestra de que no se está fent quasi res… A día d’hoy tenim una dirección cheneral de política llingüistica que no puede ni siquiera frenar el retroceso de la llengua.
Yo creigo que cal cubrir es dretos de tota la chent que charram aragonés a es llugars on encara se mantiene i garantizar la educación de l’aragonés i en aragonés. Manimenos entiendo que a puestos més al sur, per eixempllo, la provincia de zaragoza u Teruel (on encara conservan vocabulario pero ya s’ha perdiu la gramática) sí que cal que se ofreixcan cllases d’aragonés pero que seigan voluntarias. Pero per tot esto mos cal una nueva llei de llenguas.
Muchos lo comparan con el catalán…
É verdat, bella vegada te trobas ixa comparación, perque te dicen que sona como el catalán… I bueno, relativamente, quiero dir, son llenguas occitanorromances tanto el catalán, como el occitano, como l’aragonés. Compartim una historia, lo raro sería que no n’habese intercomprensión en las tres llenguas. L’atro día me van fer una entrevista chent de Tolouse i mos entendevan prou ben.
¿Es fácil encontrarte en Fonz? ¿Qué nos recomiendas visitar?
Voy contino, ara he estau treballant d’avogau a Zaragoza i tamé estoy aprestant un proyecto nuevo. Pero sí, es cabos de semana voy enta allá, lo malo é que tiengo a la cuadrilla de Fonz esparcida per tot el Estau estudiant u treballant per la despobllación… asinas que tamé puyo muito al llugar on va naixer el mío pare, a Graus, on tamé tiengo cuadrilla. Pero sí, las visitas a la yaya de Fonz es cabos de semana son obligadas. I pa visitar recomiendo que la chent veiga a fer la ruta renaixentista i pregunte a la oficina de turismo per las visitas guiadas en aragonés
